தேசிய ஒருமைப்பாட்டு உறுதி மொழி! ( General)
நாட்டின் உரிமை வாழ்வையும் , ஒருமைப் பாட்டையும் பேணிக் காத்து வலுப்படுத்த செயற்படுவேன் என்று உளமார நான் உறுதி கூறுகிறேன். ஒரு போதும் வன்முறையை நாடேன் என்றும் , சமயம் மொழி வட்டாரம் முதலியவை காரணமாக
எழும் வேறுபாடுகளுக்கும் பூசல்களுக்கும் ஏனைய அரசியல் பொருளாதார குறைபாடுகளுக்கும்
அமைதி நெறியிலும் அரசியல் அமைப்பின் வழியிலும் நின்று தீர்வு காண்பேன் என்றும்
நான் மேலும் உறுதி அளிக்கிறேன் .
உறுதி மொழி! ( For Company)
இந்தியா எனது நாடு ! இந்தியர் அனைவரும் என் உடன் பிறந்தவர்கள்! என் நாட்டை நான் பெரிதும்
நேசிக்கிறேன் ; இந்நாட்டின் பழம் பெருமைக்காகவும் , பன்முக மரபு சிறப்புக்காகவும்
நான் பெருமிதம் அடைகிறேன்; இந்நாட்டின் பெருமைக்கு தகுந்து விளங்கிட என்றும் பாடு
படுவேன்; என்னுடைய பெற்றோர், ஆசிரியர்கள், எனக்கு வயதில் மூத்தோர் மற்றும் சக பணியாளர்கள்
அனைவரையும் மதிப்பேன்; எல்லாரிடமும்
அன்பும் மரியாதையும் காட்டுவேன்; என் நாட்டிற்கும் என் மக்களுக்கும் என்
நிறுவனத்திற்கும் உழைத்திட முனைந்து நிற்பேன் . அவர்கள் நலனும் வளமும்
பெறுவதிலேதான் என்றும் மகிழ்ச்சி காண்பேன் என்று உளமார நான் உறுதி கூறுகிறேன்.
வந்தே மாதரம் ! ஜெய் ஹிந்த் !
*****************************
*****************************
பின் கதை : எங்கள் அலுவலகத்தில் சுந்திர தின விழாவை கொண்டாட முடிவு எடுத்து செயற்படும் போது " உறுதிமொழி இருக்கிறதா?" என்று அலுவலக ஊழியர் ஒருவர் கேட்க ...கூகுள் ஆண்டவரிடம் கிடைக்கும் என்று தேடினேன் ..ஊஹும் கிடைக்க வில்லை . வீட்டிற்கு உடனே போன் செய்து பள்ளித் தமிழ் பாடப் புத்தகத்தில் இருந்து சுட்டு அப்படியே இங்கு இட்டு விட்டேன் . இனி இணையத்தில் "தேசிய ஒருமைப்பாட்டு உறுதி மொழி " என்று தேடுபவர்களுக்கு கூகுள் ஆண்டவர் கைவிட மாட்டார் :) நன்றி!
[Search Keys: தேசிய ஒருமைப்பாட்டு உறுதி மொழி , தேசிய ஒருமைப்பாடு உறுதி மொழி, உறுதிமொழி ]
No comments:
Post a Comment