நாய் விற்றக் காசு

 
நாய் விற்றக் காசு குரைக்காது
மீன் விற்றக் காசு நாறாது!
கூவத்தில் குளித்த
ஐந்து ரூபாய் நோட்டும்
கோபுரத்தில் வைத்துக்
கொண்டாடப் படும் இங்கே !
இழவு வீட்டிலும் இதற்கு
ராஜ மரியாதை !
எங்கும் இதற்குத்
தீட்டு  இல்லை !
சாதி மதங்கள் எல்லாம்
இதன் விசயத்தில்
சமத்துவம்  ஆகி விடும்!
அக லட்சணம்
இல்லா விடினும் ...
லட்சங்களோடு இருந்தால்..
அழுக்காச்சீ  லட்சுமியும்
மக்கள் போற்றும்
மஹாலட்சுமிதான் காண் !

  --- நம்பிக்கை ராமா